Bəşəriyyət tarixində ikinci dünya müharibəsi dəhşətli, faciəli fəlakətlər dövrü kimi qalmışdır. Artıq 65 ildir ki, bu müharibənin toxunduğu hər bir məkan 9 may qələbə gününü qeyd edir.
İkinci dünya müharibəsinin qələbə gününü Gürcüstanlı azərbaycanlılar da qeyd etdilər. Gürcüstanda ikinci dünya müharibəsi veteranı olan azərbaycanlıların sayı hazırki zamanda çox az qalıb. Baxmayaraq ki, bu müharibədə Gürcüstandan olan azərbaycanlıların sayı yetərincə idi. Tbilisidə «Gürcüstan Azərbaycanlıları Konqresi»nin təşəbbüsü və təşkilatçılığı ilə ikinci dünya müharibəsi veteranı olan azərbaycanlılarla görüş keçirildi. Konqres tərəfindən veteranlar üçün kiçik ziyafət təşkil edilmişdi. Qələbə müsiqisi altında veteranlar müharibə illərini xatırladılar, qəhramanlıqlardan, və o illərdə yaşanan çətinliklərdən danışdılar.
«Mənin müharibəyə getdiyim gün indi də çox gözəl yadımdadı. Çətin illər idi, amma şərəflə keçdik bu illəri. Cəbhədə azərbaycanlılara tez-tez rast gəlirdim» - dedi ikinci dünya müharibəsi veteranı Ziyəddin Həmidov.
Təbdbirdə iştirak edənlər veteranları təbrik etdilər. Onlara uzun ömr və can sağlığı dilədilər.
«Bizim bu insanlar üçün etdiyimiz cuzi bir şeydir. Bu günə gəlib çatmamızda onların əməyi əvəzsizdir. Onların qarşısında baş əyirik. Qəhrəmanlarımızla daim fəxr etməliyik» – bildirdi Gürcüstan Azərbaycanlıları Konqresinin sədri Əli Babayev.
Gürcüstan Azərbaycanlıları Konqresi tərəfindən veteranlara qiymətli hədiyyələr təqdim edildi.
"Ceyran" ansambılının reqqası veteranlara tər qərənfillər verir
Borchali.net saytının baş redaktoru və "Gənc jurnalistlər şəbəkəsi"nin rəhbəri Ramilə Əliyeva veteranları təbrik edir
"Mtredi" İttifaqının sədri Səbinə Talıbovanın təbriklə dolu çıxışını veteranlar diqqətlə dinlədilər
İkinci dünya müharibəsi veteranları Məhərrəm Əliyev və Kazım Bədəlov
İkinci dünya müharibəsi veteranı Musa Hacıyev və "Ceyran" ansambılının rəhbəri Ceyran Qurbanova
Veteranlarla "Gürcüstan Azərbaycanlıları Konqresi"nin xatirə fotoşəkli
Veteranlarla "Gürcüstan Azərbaycanlıları Konqresi"nin xatirə fotoşəkli
